عيوني بيسألوني… بقلم الشاعر محمد البريمي

عيونى بيسألونى ..
عيونى بيسألونى .. عنك كل ثنيه ..

و قلبى مالوش سيره .. غير حبيبتى و ضى عنيه ..

مش شايف حد غيرك .. إنتى حاجه تانيه ..

ما بتغبيش عن بالى .. و شغلانى كل شويه ..

            عيونى بيسألونى ..

معايا منين ما أروح .. ف أى مكان ..

بقلبك و روحك .. والفؤاد حيران ..

مش حاسس بغربه .. ولا حرمان ..

بس ياريت تقربى .. ما تزوديش  الهجران ..

            عيونى بيسألونى ..

أنا محتاجلك جدآ ..  أكتر م الأول ..

لكن أعمل إيه .. بعدك  عليا طول .

و إنتى مش حاسه بالعذاب .. اللى أنا فيه م الأول ..

كان مكتوب عليا .. ولا الزمن إتحول ..

           عيونى بيسالونى ..

أعيش حياتى .. من قربك محروم ..

و آسى م الوحده .. و الدينا و الهموم ..

و عنيا تفضل سهرانه.. و الناس ماتبطلش لوم ..

لا خل ولا صاحب .. بيعمر و يدوم ..

            عيونى بيسالونى ..

بقلم الشاعر
محمد البريمى ..