مش مسموح... صبري رسلان
مش مسموح (562)
................
مسيرنا فى يوم هنتقابل
وتحكي عيونا شئ محسوس
لأ هنكر شوقي وهكابر
ولا أقولها إن مابحبوش
دي نظرة فى همسه خد قلبي
وسابني أسهر ببال مشروخ
أحايله في حلم نتقابل
يداري ملامحه ما عرفتوش
بدونه الطير يا دوب عايش
سماه فاضيه وليل بلا روح
يعدي قصادي على مهله
تماللي شاغيلني فين ما يروح
بيعتب إني بنده له
وورد خدوده بان مكسوف
لا عشيم قلبي بوصاله
وفين أنا منه وقباله
قفل بابه كسر خاطري
كتب على قلبه مش مسموح
عشقت فى وهم ليل سارح
وأتوه بين بكرة وإمبارح
أنا المحقوق بلوم حالي
لا أدوب ورا نظره ولا رايح
ده وهم الحب صحاني
على روميو اللي مش فالح
بقلم .. صبري رسلان
تعليقات
إرسال تعليق