اكتب يازمان... احمد شاهين

 إِكْتِب يَا زَمَان

ــــــــــــــــــــــــــــــــــــــــــــ

عِينِي عَ البَشَرِيَّه

اللي انْظَلَمِت مِن غِيْر عِنْوَان

عِينِي عَ الْحُرِّيَّه

اللي انْكَسَرِت لِبْسِت أَكْفَان

عِينِي عَ الأَوْطَان

اللي انْسَرَقِت مِن نَدْل جَبَان

إِكْتِب يَا زَمَان

عِينِي عَ الإِنْسَان

لَمَّا يْطَاطِي وِلْنَدْل جَبَان

عِينِي عَ الإِنْسَان

لَمَّا تَمَلِّي بِيْسَقَّف لِلطُّغْيَان

عِينِي عَ الإِنْسَان

لَمَّا بِيضْعَف فَيْبَات مِتْهَان

إِكْتِب يَا زَمَان

غَزَّه الأَحْرَار

الْحَقّ هَيِرْجَع لِصْحَابُه

وِبْدُون إِنْذَار

مُش مُمْكِن رَبِّنَا هَيْسِبْكُم

عَلَى طُول فِي النَّار

وِهَيِيجِي اليُوم اللي يْحَقَّق

حِلْم الثُّوَّار

إِكْتِب يَا زَمَان

دَمّ السِّنْوَار

رَاح يِفْضَل شَاهِد عَ العِزَّه

وَعَلَى الأَحْرَار

قَائِد بِيْدَافِع عَن أَرْضُه

وَعَن الأَطْفَال

مِن عَدْو جَبَان

مُسْتَوْطِن لاَجِىء وِبْيِسْرَق

حَقّ الأَوْطَان

بِيْهَوِّد دَيْماً وِبْيِحْرَق

مَا هُو أَصْلُه شِيطَان

إِكْتِب يَا زَمَان

غَزَّه الأَحْرَار

الْحَقّ هَيِرْجَع لِصْحَابُه

وِبْدُون إِنْذَار

مُش مُمْكِن رَبِّنَا هَيْسِبْكُم

عَلَى طُول فِي النَّار

وِهَيِيجِي اليُوم اللي يْحَقَّق

حِلْم السِّنْوَار

ــــــــــــــــــــــــــــــــــــــــــــ

كلمات الشاعر أحمد شاهين

------ مصر -- أسيوط ------