صور بشعة... زينب سليم
. 💥💥 صور بشعة 💥💥
■•■•■•■•■•■•■•■•■•■
كبس واعجن ....... جوا القصعة
دول عالم فاكسة وناس لاسعة
واللي يقولك عملولك إيه ... ؟؟؟
قوله استنى .. لنشرة تسعة ..!!!!
مانشيت عريض .. مكتوب بالنور
وكلام متظبط ........ جوا سطور
اكشف به أوام إيه المستور ..!!!
مع ناس مهزوزة .. وكات خِسعة
ستات فاضية ......... مع شغالة
وكتير شنبات ........ مش رجالة
بيبيعوا ضميرهم بحوالة ....!!!!
ونفوسهم .......... للشر بتسعى
في أمور الناس ... تلقاه محشور
يحلفلك ....... الف يمين بالزور
انه طبيعي ظلمه ...... ومعذور
علشان دنيتنا ....... غابة واسعة
وف حلل الناس ... نازل تخبيط
وف أعراضهم تلقاه بيظيط ...!!!
التافهة اتلمت ........ ويا عبيط
واتجوز بهلول ......... م الكاتعة
شكلوا عصابتهم ... م المساطيل
وبيرأسهم ....... مخبول وعويل
ومعاه حرباية ديلها طويل ....!!!
أشكال ضاله ..... صورهم بشعة
✍️ Zenab Seleem
تعليقات
إرسال تعليق