الابن العاق... قصة علي مسلم عجمي
(( الابن العاق قصة حقيقية )) للشاعر د. علي مسلم عجمي
—-----------------
بعد كم شهر دبرلو طريقة
ليتعرف على البنت الرشيقة
و بعد قصة عشق دامت ليالي
تزوجها بزلاغيط و موسيقى
الزوجة كتير بتحب التعالي
لعيلة ارستقراطية عريقة
سهر و عربدة و لهو و تسالي
بدها تعيش عيشتها طليقة
ما اهتمت لهالزوج المثالي
و بنار غرورها عملت حريقة
و بليلة سمر مع بعض. و تجالي
رفعت صوتها بنبرة غميقة
بدي اجلس ببيتي لحالي
ما رح إبقى أنا و إمك دقيقة
تجاهل توصية رب العدالي
و طرد أمو الحنونة و الرقيقة
طردها لكن بصورة ذليلي
تا يفرح قلب مرتو بالحقيقة
رب الكون بيعتلو رسالة
أهنت الوالدة اهانة دنيقة
الزوج العاق أصبح إنفعالي
و فرشتو عالشلل صارت رفيقة
بعد ما المرض بلش بالتعالي
الزوجة الفاضلة صارت عشيقة
هجرت بيتها و بهيك حالي
عانى زوجها ظرورفو الدقيقة
و ليلة بعد ليلة عالتوالي
كإنو الموت قدملو وثيقة
و بلهفة. على فراشو الصار بالي
أمو شافها جنبو لصيقة
بتخدمو. الابن مهما يكون غالي
و وقفت جانبو في هيك ضيقة
ساعتها بكي بحسرة و خجالي
و دموع الندم عخدودو دفيقة
ركع عركابها و قالها تعالي
يا إمي يا حنوني إغفريلي
رضاكي من بعد رب الخليقة
الشاعر : د. علي مسلم عجمي
لبنان
تعليقات
إرسال تعليق