ريشة وصورة... علي مسلم عجمي
( ريشة و صورة) … للشاعر الدكتور علي مسلم عجمي
---------------------
رسمتك بريشة و لون حبرو أبجدي
و صورتك بلون الملاك السرمدي
حتّى سلاطين الثقافة و الفنون
مع كل لون و حرف منك تبتدي
رسمتك بريشة و كتبت أجمل عِبَر
و ع خدودك رسمت القمر بالمختصر
و رسمت نجمة خال عالخد الجميل
و صار من تدويرتو وجه القمر
في إلك جوات صدري و أضلعي
صورة من التذكار صورها الوعي
و.. غبتي و تركتي النار تحرق مدمعي
و بقول بدك ترجعي و ما بترجعي
و الريشة الفيها رسمتك اسمعي
بدمي مزجت اللون فيها بمبضعي
الصورة مع الريشة عم يقولوا تعي
من قبل ما يتوزعوا وراق النعي
لكن إذا في حدا عالفرقة سِعي
و حاول و صالك عن وصالي تقطعي
لا تخافي على الصورة و تفزعي
هالصورة الفيها جمالك مدعي
مع الريشة دفنتها بقبري عشان
كتير فزعت يمكن يلقطوها معي
الشاعر د. علي مسلم عجمي
لبنان
تعليقات
إرسال تعليق