تذكرتها وتذكار... علي مسلم عجمي

 ( تذكرتها و تذكار ).. للشاعر الدكتور علي مسلم عجمي

----------------

ذبلت الوردة و عطرها الصافي النقي

جَفِّـت تباريحو و ما عادت ترتقي

يا شمس فوق الورد لا ما تشرقي

ما عاد عالعشاق فيكي تمرقي

حب و عواطف عشق فينا ما بِقي

باب الهوى صرتي بوجهي تغلقي

و صرتي بقشات البعد تتعلقي

و كل صاحب فلس رحتي تعشقي

و لو شفت محبوبين في صدق الغرام

بتذكرك و بقول يمكن نلتقي 

كنت كلما البلبل بصوتو شدا

و فوق الغصن يسبح على وراق الندى

و كلما نسيم الصبح يحتل المدى

و يلعب مع جناح الفراشة عالهدا

و النحل يسرح عالورد صبح و غدا

و كلما شعاع الشمس عالمرجة بدا

و الصبح يتنفس .شذا بوحو ابتدا

و السما الزرقا الصافية ترد الصدى

بتذكرك يا حلم عمري و دنيتي

بالكون كلو ما شفت متلك حدا

يا مذبلي عيونك على قلبي الحزين

يا شمس عمري و في سمايي تطلعي

مسافر.. و حبك بقلبي عن يقين

 مع كل نبضة يدق صوتو تسمعي

و لما تعانقنا عناق العاشقين

و مودعين و على خدودك مدمعي

المحرمة و فيها دموعك باقيين

تذكار منك أنا ماخذها معي 

الشاعر د. علي مسلم عجمي

 لبنان