السيما... أيمن نصر

-

 ( السيما )

  بقلم  ( أيمن نصر )

**********************

التذكرة كانت ببلاش

في الإعلان قبل المونتاج

إلحق يا ابني ماتنساش

فرفشتك... والله ماتغلاش

فيلم السيما سعرة بلاش 

والدعوة عامة لكل الناس

لأهل الصفوة و الأوباش

 قولت جوه السيما 

فرصة عظيمة

أنسى مشاكلي أحس بقيمة

أحس إن أنا موجود وسعيد

أحس بفرحتي يوم العيد

لما كنت طفل جديد

دخلت السيما بقلب حديد

 جوة السينما لقيتني مشاهد

رغم العتمة فضلت أنا قاعد

وانا معرفش أي مشاهد.

جوه السيما حسيت بهزيمة

سمعت موسيقى قالبه حزينة

زادت وجعي وجعين فوق وجعي

شوفت الفارس مهواش فارس

شوفت الحلم قلب لكوارث

شوفت الشهم إتلموا عليه

كل الواغش إتكاتروا عليه

شفت البطل مغلوب على أمره

والكومبارس بيزيدوا مواجعه

بطل السيما حب البطلة

حُب الفارس لأحلى مُهرة

كانت بنت زي القمرة

بس نهاية حبة مُرة

أصل حبيبته سافرت بَره

وباعت حُبه ووعودها الحُرة

شفت الفيلم بقى شبه الواقع

بيت الحلم  سقفه واقع

شوفت الظلم مالهوش مانع

شوفت الحق في طريقه موانع

شوفت الصادق مبيسدقش

شوفت الرحمة راكبة النعش

شوفت الندل عاملينه وحش 

شفت حلال الناس بتصده

شفت حرام الناس  بتلمه

شوفت الوفا بقى موضه قديمة

شوفت الغدر عنده عزيمه

شوفت إنسان مالهوش قيمة

نهشوا فيه بكل بعزيمة

وفجأة صرخه عظيمة

 طلعت مني .. 

طلعت مني غصب عني

ليه الفيلم من غير مونتاج  ؟!

ليه الفيلم من غير مونتاج ؟!

فيه أخطاء في الفيلم عميقة !!

دي ڤانتازيا  ولا دي حقيقة

الشاشة ألوانها غميقة

الضحك اللي قولتوا عليه

ليه عيط وبكيتوا عنيه

الكوميديا ليه لونها إسود

والحزن سايق و بيحود

وبيركن ف القلب المتعود

ع الحزن وليله الإسود

الشاشة مفتوحة ع الشارع

مفيش حاجز بينهم مانع

مش قولتولي الواقع مظلم

مش قولتولي مش هاتألم

واللي هاشوفه جوة السيما

حكايات تانية سعيدة بهيجة

 وفضلت أصرخ صرخة عظيمة 

عاوز أخرج بره السيما !!

عاوز أخرج بره السيما !!

قالها واحد ساكن فيّه

كل ملامحه جوه عنيّه

لما تحطوا مرايا غبيه

قدامها او ترسموا فيّه

كان أمانيه يعيش حرية

كان أمانية عيشة هنية

كان أمانيه يقابل ناس

كان أمانيه يشوف إخلاص

كان أمانيه يقابل ناس 

لكن الناس

 طلعوا مش ناس.

وجوه السيما ... وبره السيما

طلعت دنيا قصصها أليمة.

     بقلم  ( أيمن نصر )

     دمتم في رعاية الله.

تعليقات

إرسال تعليق

المشاركات الشائعة من هذه المدونة

سافرت نحوك....بقلم عيسى جرابا

-
سَافَرْتُ نَحْوَكَ… كَيْ أَرَاكَ وَأَسْمَعَكْ مُضْنَاكَ… وَدَّعَ قَلْبَهُ… مُذْ وَدَّعَكْ!!! دُنْيَايَ… مَا دُنْيَايَ…؟! أَيُّ حَلاوَةٍ لِكُؤُوْسِهَا… إِنْ لَمْ أَكُنْ فِيْهَا مَعَكْ؟! سَافَرْتُ نَحْوَكَ أَسْتَعِيْدُكَ… لا تَسَلْ لِلحُبِّ بَوْصَلَةٌ… تُحَدِّدُ مَوْقِعَكْ! فِي شُرْفَةِ الأَشْوَاقِ أَجْلِسُ… كُلَّمَا جَنَّ الظَّلامُ… أَبِيْتُ أَرْقُبُ مَطْلَعَكْ! فَانُوْسُ شِعْرِي مَايَزَالُ… مُعَلَّقاً لَوْ رُمْتَهُ يَرْوِي أَسَايَ… لَأقْنَعَكْ! فَمَتَى تَعُوْدُ…؟! نُحُوْلُ جِسْمِي شَاهِدٌ بَعْضُ الشُّهُوْدِ إِذَا تَكَلَّمَ… رَوَّعَكْ!!! طَالَ انْتِظَارُ الصَّبِّ… يَفْتَرِشُ الـمُنَى إِنْ لَمْ تَعُدْ… فَاسْمَحْ لَهُ أَنْ يَتْبَعَكْ! رَتَّبْتُ فِي عَيْنَيَّ مَهْدَكَ… مِثْلَمَا أَثَّثْتُ… مَا بَيْـنَ الجَوَانِحِ مَخْدَعَكْ وَلَكَمْ شَكَوْتُ إِلَيْكَ مِنْكَ… وَأَدْمُعِي تَجْرِي… وَلَكِنْ مَا اسْتَثَارَتْ أَدْمُعَكْ! خَاصَمْتُ كُلَّ النَّاسِ كَيْ تَرْضَى… وَكَمْ بَعْثَرْتُ عُمْرِي فِي هَوَاكَ… لأَجْمَعَكْ!!! وَشَقِيْتُ فِي صَمْتٍ… لَأمْنَحَكَ الهَنَا مِنْ غَي...
قراءة المزيد

قل لي يا قلم… كلمات الشاعر نافز ظاهر

-
قل لي ياقلم.   قل. هل لا يتقن الشعر الا من به الم ولا  يكون بيد  الجاهل  القلم  هل يسمعن الذي في قلبه صمم  فكيف يعشق من في روحه سقم  ياناعس الطرف قلبي فيك منشغل  وملني  الشرح  والتعبير  والكلم فكن  بقربي  ان  الروح  هائمه رغم  الهموم  اذا  لاقتك  تبتسم تبكي الجيادُ.. إذا ترجَّل فارسٌها ومن الصهيل..ما توجّعٌ.. وَعَذابُ . أرأيت دَمعَ الخيلِ؟! كم من عبرةٍ في الروحِ.. لم تعلم بها الأهدابُ #نافز_ظاهر
قراءة المزيد

اجازة... علاء، عطية علي

-
 إِجَازَةٌ ـــــــــ               بَحْرُ الرَّجِز (لا تسْتكنْ إلا لذاتِ الواحدِ               واسلكْ مساراتِ النبيِّ الرَّاشدِ) فَالنُّورُ إِرْشَادُ الْبَشُوشِ العَابِدِ                   والغَيُّ مِضْمَارُ السَّبِيْلِ السَّامِدَ لا يَتْرُكَ الشَّيْطَانُ إِلَّا طَائِعًا                       والنار مأوى كل عبد شَارِدِ يَا مَنْ تُرِيدَ الْخُلْدَ فِي جَنَّاتِهِ                    اِتْبَعْ لِهَدْيٍ قَدْ أَتَى مِنْ أَحْمَدِ أَدِّ الصَّلاة الْعُمْرَ فِي أَوْقَاتِهَا                      طِعْ رَبَّنَا لَا تَرْتَعِدْ مِنْ حَاقِدِ لَا تَنْحَنِي كُنْ كَالشِّهَابِ الصَّاعِدِ                     لا تنثني من جَمْعِ نَادٍ حَاسِدِ مَنْ دَانَ لِلدَّيَّانِ مَا هَابَ ا...
قراءة المزيد