رموش عيونك..حسين الرفاعي
رموش عيونك سحروني شبكوا قلبي وصادوني
وخلوني تايه حيران وغابوا عني وتركوني
دورت عليكِ وفتشت ودقات قلبي دلوني
ولقيتك يا ست الكل مخباية تحت جفوني
وين الصيد إتعلمتِ وعيونك كيف صابوني
كنتِ بعيني مثل الكل وصرتِ أغلى من عيوني
أنا غيرك أبداً ما حبيت لكن ياما حبوني
ولجلك لربي صليت يحبوا غيري وينسوني
جاييكن بكرا بكير حامل غصن الزيتوني
وما بعرف شو راح بيصير لو أهلك رفضوني
قوليلن يا بنت الناس ما فيهم يمنعوني
لو جمعوا كل الحراس وكل الدنيا أعطوني
غيرك أبداً ما بختار إن غلطوا وخيروني
إنتِ الجنة وغيرك نار ولغيري ما حتكوني
ومر العلم والصبار وفوقن كأس المنونِ
راح أسقيهم للغدار إن ضعتِ وضيعوني
المهندس حسين الرفاعي
تعليقات
إرسال تعليق