ليل عندي..ابو سلام البصري
ليل عندي
ومن اجه طيفك يسلم
صارت الدنيه نهار
ومن بعدها تراجعت
وضطريت اكلك
يا صباح النور
يا اجمل من مر
مر تعده عليه
من ايده السلام
وبطرف عينه تغزل بالنظر
بالنظر كتله
حجيه خل يصير
لا يعرفه الجن
ولا يفهم بشر
بشر كالوا
وانه كتلهم ملاك
الله من يم العرش دزها مطر
مطر وشحلاتك
من تمطر عليه بالحضور
وانا صايم
وعله شفافك فطر
فطر بس
ما غضب ربه عيله
صار يعذره لانه ما كفر
وانا صايم
وعله ريحتها فطر
كفر كل الخلق
من شاف الجمال
وراح يبعد
وعبر ثالت نهر
وليش يغضب ربه
إذا هو القدير
رسم دربه بنور
من احلى كمر
نهر انته
ومن زلالك ردت ماي
والله ما يرتوي فادي ابد
من دونك هجر
هجر وجمر
وصيف باحورة وتمر
وانت كلك برد الشمال بلا امر
ومن ندى شفافك ارتويت
انت يا اعذب بحر
كل بحار الكون مالح
وانت يا صافي الهدر
مر شكد شفت بالدنيه
من بعدك المر
وصارعلكم ريكي من بعد دهر
دهر من تغيب وتكلهم شهر
تدري يومي صار كل يوم بقدر
قدر انه
ردت كل مرادي انته يا قدر
وربك يخلف ظلامه بالفجر
فجر مرتك
ولو تجي ويمي تمر
يا عسل نحلات يا برحي التمر
تعليقات
إرسال تعليق