قطفة حبق....بقلم عازار الريم

.....قطفة حبق..... الشاعر شعر باللغة المحكية..... اهدي هذه القطفة بل الحبقة الكاملة لأبني الحبيب Safwan Safwan الذي سبق واهدأني موال وائل كفوري عن الشاعر.. مع محبتي...لكم جميعا.... ...........الشاعر......... الشاعر خلق مع فجر البدايي ت حتى عالأرض يعكس مرايي دار الدهر والدهر استغلو ت يعطي للحقيقة الف آيي لحقني الدهر عم يركض يادللو ت صار العمر يتشحطط ورايي مصائب مع نوائب فش غلو ت لبسني القهر... جبة وعبايي افتكر ينسف طموحي من محللو وضل الدهر اصغر من مدايي واساتذة الجهل بالجهل ضلو بدال القلم بيجيبو.... عصايي وعملو مملكة فيها استقلو وصار الجهل م رموز الهدايي وصار الظلم يعكس عتم ظلو عأوراق الكتابي و القرايي وصارت اذن عم تسمع شو قلو شاعر حب لا ابنو بدرايي حتى شوشو التفكير كلو و ع عقل الناس عملولن وصايي. عازار الريم سورية.