مر العيد وايامه... عزة حسني
مر العيد وأيامه
بأغانيه وأحلامه
ويتجدد معاه شوقنا
للمتنا وضحكتنا وقاعدتنا
مع أصحابنا وعيلتنا
وبعد ياعيد مايوم جيتنا
ولمينا عديتنا من الغاليين هنا في بيتنا.
تمر ايام وتنعاد علينا تاني الأعياد.
وتملا الفرحة عتبتنا.
ونقول للناس اللي سابتنا.
وغدرتنا ومن الأيام سرقتنا.
فروعنا ثابتة من طيبنا وطيبتنا.
ويارب عنكم يبعدنا ويثبتنا.
ولا في يوم ننعي ليكم رجعتنا.
ومع أحبابنا تفضل دايمة جمعتنا.
ولا نغرب ولا نشرق ولا توجعنا فرقتنا.
ويبقى العيد وأيامه في لمتنا.
ومن قلوبنا طالعة ضحكتنا
وطول ما الغالي منور في قاعدتنا .
يعيش وتموت كل الناس اللي ظلمتنا.
ورغم الحزن والآهة اللي وجعتنا.
بيجي العيد يمحي دموع حرقتنا.
وتتبدل أيامنا وحياتنا
وظني بربي ويقيني
مأخر لينا فرحتنا وسعادتنا ليوم موعود
فيه هتعود لينا تاني ضحكتنا.
بقلمي/ عزة حسني
تعليقات
إرسال تعليق