بحبك... محمد البريمي

 .شعر غنائى 

.

((( بحبك )))

كلمه و م الآخر بأقولهالك .. بحبك يا عبير الورود بحبك ..

و ده شعورى الطبيعى زى أى عاشق .. مش كلام رويات صدقينى لما أقول بحبك ..

إنتى يا عبير الورود مرسومه ف خيالى .. إنتى القمر و إنتى الليالى ..

بأنام و أصحى و إنتى على بالى .. شغلانى ديمآ بهواكى و اللى شاغلنى أكتر إنى بحبك ..

       كلمه و م الآحر ..

إن قلتلك بحبك من زمان .. يمكن م تصدقنيش ..

إنتى يا عبير الورود اللى خدتى الحب كله .. و إن سألتينى دا حصل إمته و فين هأقولك م تدوريش .. 

أنا شوفتك بالصدفه عجبتينى .. ناديت و قلت يا هوى خدنى و عدينى ..

و على بلد الغاليين رسينى .. و م تقوليش كل ده ليه و م تسألنيش 

        كلمه و م الآخر ..

لو تعرفى يا عبير الورود بعد م

حبيتك .. كان نفسى ف إيه ..

نفسى أشوفك لو مره و أسمع صوتك .. و دا اللى قلبى شوقنى إليه ..

و أبوسك من خدودك الحلوين .. و أشرب من شفايفك خمر العنب و التين .. 

و أشرحلك الكلمه اللى من حرفين .. و إنتى اللى عندك و بخاطرك  تقوليه ..

 

      كلمه و م الآخر ..  

بقلم الشاعر الراقى ..

محمد البريمى ..