بنضيع وقت... زينب سليم احمد
((( ⏰ بنضيع وقت ⏰ )))
===================
كل ثانيه نشوف خبر . . . . إن ناس كتيرة ماتوا
تلقى واحد إعتبر . . . . وغيره بيكمل حياته
ويقول عادي وكله تمام . . . والحكاية تفوت أوام
فكره هيعيش ع الدوام . . . بس العمر بيلقاه فاتوا
💮💮💮💮💮💮
واللي كان عايش مقصر . . . . ويا ربه وبيتمادى
يبقى أوام لازم يكفر . . . . عن ذنوبه بالعبادة
ولا يعملش أي حرام . . . ويطيع ربه على الدوام
ويكتر فى صلاه وصيام . يلقى ضميره ارتاح بزيادة
💮💮💮💮💮💮
واللي ذنوبه فاكرها شطارة . . ومسلم روحه لشيطانه
وبتحكمه نفسه الآمارة . . . وتضيعه وتهد كيانه
ويلف معاها في الساقية . . وتضيع كل أيامه الباقية
وبيخرج م الدنيا الفانية . . عنده معاصي ماليه ميزانه
💮💮💮💮💮💮
ليه بنقول بنضيع وقت . . . وان ايامنا ماشية بطيئة
لو ينتهى عمرنا دلوقت . . . راح نتمنى انشالله دقيقة
ولاشيء في الدنيا هاينفعنا . ولاهيكون له هدف ولامعنى
غضب المولى اكيد يوجعنا . لما نزيد فى ذنوب وخطيئة
==========================
بقلم /// زينب سليم أحمد ..✍️
تعليقات
إرسال تعليق