سلطة... عزة حسني
🍅🍒🥒🥬🌶️🥕🍠🌶️.
🥦🍅🌶️ سلطة 🌶️🍅🥦
*******
كل حاجة في الزمان دة بقت سلطة.
وتيجي تلوم أو تعاتب
يقولولك معلش كانت غلطة.
وعاء وفيه من كل شكل ولون.
لكن اللي زايد فيه الشطة والينسون.
ولو ناوي إنك تصلح الكون.
هتطلع ايه وايش تكون .
منظومة التعليم تقول إني سقيم .
قول عليها يا رحمن يا رحيم.
عايزين إيه تاني ..هو في بعد التعليم.
في الأول استغنينا عن كلمة تسبقها
من غير أي هدف ولا سبب.
ولا عاد في تربية ولا حتى في أدب .
وأصبحت الهواتف بديل عن الكتب.
ومواهب نشيد بيها في إعلامنا اللي اتخرب .
شاكوش وحمو بيكا
ولا يعرفوا الألف ولا يعرفوا الأستيكا.
وعلشان السلطة تكمل
عايزين لها كسبرة
وبنات التيكتوك وشوية مسخرة.
وبعد العندليب وثومة وعنترة .
طلع لنا في المقدر اللي اسمه حنجرة.
ناقصنا إيه في السلطة
ماهى لازم تكمل لأننا في ورطة.
وخدوا بقى الكبيرة .
النمبر وان والأم المثالية .
الست فيفي السفيرة.
وعشان مانعلا ونعلا ونعلا..
لازم نطاطي نطاطي.
ولا عمر الواطي هيعلى .
ولا العالي هيطاطي.
دة موضوعنا كبير لازمه حصانة وطلب إحاطة.
في مجلسنا الموقر
ولا لازم معارف ونوصلهم بوساطة
اقولكم . .ولا بلاش
هى أيام وبتعدي وكلنا رايحين.
واللي ضميرهم مات وسبقهم ع الجحيم .
مسير الحي يتلاقى
وعند الله نتلاقى .
هو الحكم العدل يفصل مابين واحد ضميره مات وعايش .
وواحد تاني مات لكن ضميره حي.
بقلمي /عزة حسنى
تعليقات
إرسال تعليق