كوكب تاني...أيمن نصر
( كوكب تاني )
زمان كانت الدنيا تتعاش
و كان اﻹنسان إنسان أصلي
مش من النوع البراني.
دلوقتي بقت الدنيا غابه
القوي بياكل الضعيف الوحداني.
ولا الجحود واﻷذيه
بقوا سمه عند البشر
وإنسان الغابه عاد من تاني.
و أنا تعبت كتير من معاملة البشر
و صرخت منهم بالصوت الحياني.
لدرجة إن جحود البشر بكاني.
و لقيت إن كل الدموع
سببها طيبتي.
والله طيبتي
هي اللي مكتره أحزاني.
وبكيت من اﻷحزان
و مسحت دموعي.
و بمسح دموعي بكيت تاني.
و كلمت روحي من كتر أحزاني.
هي اﻹنسانيه ليه محارباني.
و ليه مخاصماني
و بتزود في أشجاني.
و لا بتعتبرني خصم ليها و معانداني.
و يا ترى العيب فيها
ولا العيب في أحزاني
و لا نجيب العيب
على الإنسان اللي بكاني.
و لا البشر بقوا من عجين تاني.
عجينه مسقيه بالكره و الشر
و بكل ما هو لا إنساني.
ومين غير في المقادير
و فطرة الخالق
وجعل للبشر طبع غريب
و حيرني و بكاني.
يبقى العجينه عاوزه ظبطه
و يلزمها أعظمها شيف حلواني.
يظبط تاني في المقادير
ويحاول يرجع ولو عشر
طعم العجينه الرباني.
عجينه تكون مسقيه
بالرحمه و الإنسانيه
و بكل ما هو جميل من المعاني.
و أنا مش عارف مين لعب
في المقادير الرباني.
وخلى عجينه البشر ماسخه
وسايطه و بقى ليها طعم تاني.
يكونش إبليس دس جواهم
سمومه و فلتني و جلاني.
ولا أكون أنا إتبدلت
و صبحت فجأه
مواطن خواجه ألماني.
ما أنا معنتش فاهم للبشر
أي تعامل ولا طباعهم
بقت مناسباني.
أصل أنا إنسان طيب
و حساس مخلوق
ع الفطره الرباني.
و إزاي أعامل ناس
إتبدلوا واشكلوا
و بقوا من طين تاني.
وأنا إنسان عمره ما هيتغير
مكلبش في دينه و تقاليده
و بحترم الكبير اللي رباني.
و حاولت كتير أسايرهم
لكن إزاي نزرع الريحان
جنب الزرع الشيطاني.
و طالما أنا ثابت
مش هاتغير إزاي هعيش
و اتعامل معاهم تاني.
ولا أخدها من قصيرها
و أروح أعيش في كوكب تاني.!!
بقلم ( أيمن نصر )
دمتم في رعاية الله.
تعليقات
إرسال تعليق