كل همسة..ل..علي السيد
قصيدة ..
كل همسة
بقلم / على حزين
كل همسة , كل لمسة
كل ضحكة حلوة
فاكرها لكِ
كل كلمة حب حلوه
في يوم سمعتيها لي
وسمعتها لك
ولهفت عينيكِ
ورعشت أديكِ
لسه فاكر ها لكِ
***
كل وعد وعدتيني بيه
كل طريق مشيت مَعَيَّ فيه
كل حلم حلمنا بيه , والأماني
فاكرها لكِ
***
وقعدتنا على النيل
ساعة أصيل سوى
أنا وأنتِ وَاي الهوى
والليل طارح نجوم حوالينا
فرحانا بتغني لينا حكاوينا
والقمر سارح والنهار رواح
في دنيا مليانا حب وافراح
فاكرها لكِ
***
فاكر يا حبيبتي لما كنا صغيرين
وقلوبنا كانت تسبق خطا وينا بخطوتين
كنا نتقابل قلبين جمعهم الهوى حبيبين
كنا نضحك ونتمايل علي بعض غصنين
هزهم الهوى في جنينه حبيبين
والـفرح طارح حولينا
هنا وسرور فدادين
كل ده راح فين
يا حبيبي
أنا لسه فاكر
حتى كلمة يا حبيبي
فاكرها لكِ
*********
تمت مساء الأثنين30 / 11 / 2020
على السيد محمد حزين ـ طهطا ــ سوهاج ــ مصر
تعليقات
إرسال تعليق