خو سعاد... سعاد الجروشي
شعر شعبي ليبي
رثاء أخي الذي وافاه الأجل
يوم الإثنين 27 يناير 2025
خو سعاد
عليه الجواجي ناصبات حداد
الله يرحمه ميلاد
صعيب القيته
فراقه اللي رحاب عالي صيته
وتخطر عليا طلته في بيته
هذاك الكريم الفارح الوداد
عليا الغالي
يخطر وتنزل دمعتي شتوالي
من قال يقعدلي مكانه خالي
ومن قال يدَرق بلا ميعاد
ياالله مع العيله
هون عليها غيبته ورحيله
بعده حزينه وناقصه القبيله
وياما بكوه ودرفو العباد
ويالله في الحيين
عوض عليهم دوم ملتمين
وماعاد تبكي مالوجيعه عين
ولا عاد ينخص مالفراق افاد
ويسلم عقاب اهلي ولوخيين
وتنزل البركة في ضنا الاولاد
سعاد علي الجروشي - ليبيا
تعليقات
إرسال تعليق