الغشيم... أيمن نصر
( الغشيم )
بقلم ( أيمن نصر )
****************
لساك بتوزع محبة
وتدي لكل الناس أمان.
لساك بتنقط ف طيبة
مع إن جرحك كله بان.
لساك بريء مع الديابة
مع إن أحسن مافيهم ألعوبان.
لساك بتزرع بذور محبة
رغم اللي شوفته من الخلان.
خلتني من عمايلك اتعجب
واعيد حساباتي مع الزمان.
إزاي بتقدر تاني تسامح
مع إن سواد قلوبهم بان.
وإزاي تاني عارف
تدي الأمان للي خان.
لساك بتخلص في المحبة
رغم اللي دقته م اللي خان .
ولا أنت طبعك فيه ثبات
ميغيروش غدر الإنسان .
الطيبة ليه منقوشة على قلبك ؟!
زي الآثار على حجر صوان.
صعب حد يمسح أصالتك
مهما دوقت غدر الخلان.
والناس يقولوا عليك غشيم
رغم ديونهم ليك من الحنان .
مانتاش غشيم يا جدع
أنت البصير وسط ناس عميان.
انت الملاك يا جدع
وهمه جمع من الشيطان.
بقلم ( أيمن نصر ).
دمتم في رعاية الله.
تعليقات
إرسال تعليق