عاملة من بنها... بجاتو

 عاملة من بنها....بجاتو

مطنشة وعاملة من بنها 

سايبانا نمسك في بعض عشانها

عايشة الدور كان الزمن زمانها

تمشي وياارض ماعليكي قدي

حبايبها واقفين بالطوابير

هدايا تضحيات عروض كتير

كله عايز يخطفها ويطير

وعملوا مابدالهم عشانك ترضي

سايقة في الدلال وبزيادة

مش فارق معاها لاده ولا ده

نظرتها دوا ضحكتها شفا

لمستها مستشفي جراح وعيادة

اعمل ايه عشان عليا توافقي

لا عندي مالهم ولا ملكهم

ولا عيشت يوم عز زيهم

بس عندي قلب مش عندهم

فوق ماتحلمي وفوق ماتتمني

نضيف وعشري وصاحب صاحبه

يوفي لاي حد بيحبه

يضحي ويدي كل اللي عنده

علي ايدك معاكي زي ماتحبي

ياللي اسمك للحسن تاج

مشتاق للهوا وليكي محتاج

يابحر الحنان انا الامواج

المياة لزرع غرامك بتروي

تعليقات

المشاركات الشائعة من هذه المدونة

سافرت نحوك....بقلم عيسى جرابا

قل لي يا قلم… كلمات الشاعر نافز ظاهر

اجازة... علاء، عطية علي