بين التلجات... عازار الريم

 .                   قطفة  حبق


                    بين التلجات


 باللغة المحكية 


               بين التلجات 


اللازمة...


طير اللافي عا عشو 


                      بيقلبي بات 


و نحلات العطر يرشو 


                  و يغزو الوردات 


                   ---


تلاقينا بمحض الصدفي 


                    بسوق البازار 


إيدي شمعة عم تطفي 


                     و عا إيدا نار 


قالتلي انطرني نتفي 


                     منعمل مشوار 


يما منطلع ع صلنفي 


                        عند التلجات 


و نحلات العطر يرشو 


                   و يغزو الوردات 


                 ----


وتحت الشجرة الملياني 


                     غصونا بالتلج 


و خدودا  هالحلياني 


                     من  كتر الوهج 


وروحي رفت هيماني 


                    مشتاقة تهج 


بين حبوب الرماني 


                     و برد النسمات 


ونحلات العطر يرشو 


                   و يغزو الوردات 


                 ----


و الحلوي بحالا حلوي 


                    لما ب تحس 


و غصنا من نسمي يلوي 


                   و تسكر بالهمس 


و بستانا يلي بيحوي 


                  شياطين و انس 


و بدربي عم بيضوي 


                   و يلغي العتمات.


و نحلات العطر يرشو 


                  و يغزو الوردات .


عازار الريم..

تعليقات

المشاركات الشائعة من هذه المدونة

سافرت نحوك....بقلم عيسى جرابا

قل لي يا قلم… كلمات الشاعر نافز ظاهر

اجازة... علاء، عطية علي