بيقولوا لي... خيري حسني
قصيدة بعنوان
(بيقولوا لي؟؟؟؟)
بيقولوا لي ليه زعلان
لا أنا مش زعلان.
الدنياعندي عادي
يومين تيجي وتروح.
زي ماهي مابتفرقش.
أثرها بيزول لو قلمها
على وشي لسه معلم
مسيرها تتعدل
ولو ماتعدلش لي رب
كريم بأحتاجه في ضيقتي
وعمري ماأستسلم
ولا مرة أسلم.........
أنا زعلي مش في الدنيا
من ناس حبيتهم.
ووثقت فيهم من غير
حدود صدموني خلوني
سكوت وضربوني في
حيط حتى كلام مش
عارف أتكلم
أنا بكتب شعر من غيظ
جواي وكبت بركان
هايفجر كل كياني.
إحساسي ومشاعري.
لو ما بفضفضش.
دا لو كل الدنيا وناسها وكل
مافيها ظلموني دا
مايظلمنيش إديتوا كل
كياني وأركاني
قلبي وروحي وعمري
وعشانه عمري ماقصرت.
بيقول لي هاسيبك.
وهارحل وهابيعك بحفنة
تراب معقول ماسواش.
حفنة تراب.
حفنة تراب.
معقول كانت قيمتي
عندك حفنة تراب
وتقول لي ليه زعلان.
زعلان من عمري ال فنيته
من غير ما أحس.
قضيته سنين تعبان
وبشق الأرض بضوافري.
وأعافر وربي ال شايفني
شاهد إخلاصي.
وهو ال هيحاسب ومسيري
أقف وكتابي هتناوله
بيميني وأفردوا قدامكم.
هتباه لأني طول عمري
مسامح وطيب ومش
هالقى ذنوب صحيفتي
بيضه وناصعه ببياضها
طول عمري قضيته غريب
في بلاد مش أهلي
ولا أصحابي ولا فيها أخوات
وحداني وبواجه الريح
أقع وأقوم وأكرر وأسند
على جدران في الشارع
بمرض وأقوم وبنازع
وأتأوه وأصلب من حيلي.
عشان الدنيا ما تكسرنيش.
وعشان قدامكم
أقدر أعيش.
بأزعل من نصيبي وحظي
المأسوف على عمره
وخايف من الموت لايجيني.
وأنا مرمي وما لاقيش
حد يكفني وما يغسلنيش.
بأزعل على كل الصبر
ال صبرته ومالاقيش
ال ما يشكرنيش.
معقول أتحسر على عمري
ال فات معقول يتهد ال بنيته.
طيب منين أجيب حد
وعليه أتعكز وأقضي.
يوميني بتسند يعطيني
دواي لو إحتجته
يغطيني من البرد لو إيدي
عجزت عن شد غطاي
لتحميني برد شتاها.
فينك يا أبوي لأشكي لك
بعد الله حاجه في قلبي.
حاسس يا أبوي وحداني.
ممكن تسمعني تحوم بروحك
حوالي نفسي أسند كتفي
على كتفك لو ساعه
وروح على قبر تاني.
مش هازعل هابص في
وشك وأحكي لك كنت
بتسمعني وتهديني.
من حاجات كتيره كانت
بتوجعني والله كلامك لسه
في وداني وعمره ماراح
فاكره وكأنه إمبارح
وأقولك رضيان علي تقولي
إزاي ماأرضاش دا أنت البكري
ال من صلبي وحبيب
أبوك دا أنت النن والقلب
وأول ما إعنيي شافوك.
بيقولو لي ليه
زعلان..........
10/9/2024
بقلمي؟؟؟؟؟؟؟!!!!
(شاعرالعاميه/خيرى حسنى. )
تعليقات
إرسال تعليق