الوطن محبة وسلام...علي مسلم عجمي
( الوطن.. محبة وسلام ). للشاعر الدكتور علي مسلم عجمي
-----------------------------
موطني بغيرو وطن ما بِـبدلو
دمي و حياتي و كل ما بِملُـك إلو
موطني جنة عدن عالأرض و سلام
تاج عجبيني المجد بيكللو
موطني و شو ما قلت ما بيوفي الكلام
و شو ما بقدِّم إلو يا جبال احملو
موطني عالي القِيَم.. عالي المقام
موطني هالكون كلُّـو بأكملو
كل البشر متساوية رجَال و نِسا
باللي لها و اللي عليها بالحياة
المفروض تِحمل قلب ما يعرف قسى
و الليونة بلا ضعف أو حاقدات
لمصافحة و ترحيب كل صُبح و مسا
و الأخوّة لها تقدير و ثبات
أيا عمل للخير مش رح يُنتسى
بيظل بين الناس من أروع صِفات
حقوق الوطن بمواطنية صالحة
الوطن متل الأم بدّو إعتنا
مش مصلحة للكسب بدو مصالحة
و تحميه من أيا خطر صوبو دنا
و الام ما بدها حَـكايا جارحة
بدها فعل بدها شغل بدها جنى
بين الوطن و الأم نهضة فارحة
عليها المستقبل مجد حلمو بنى
لمواطنية ناس عا أرض الوطن
حب الوطن بقلوبها حَـلّ و سَكَـن
تضحية و إخلاص و رجال بفِدا
و رد كيد المعتدي و كيد الفِتن
مركز أُخُوّة و أبد ما يرفض حدا
بفكرو .بطائفتو إذا اختلفو السنن
و وقفة بطولة صامدة بوجه العِدا
بالقلم..بالسر..بالسلاح و بالعَلَن
الحرب دم و نار و الموت الشنيع
ليش ما بيعِـم عالأرض السلام
و كلها فصول السنة نعملها ربيع
سِلم و سلام و إخضرار و إحترام
و نعيش عيشة سِلم بالكون الوسيع
و في هدوء و طمأنة نقدر ننام
و ما يعود في أسباب للحرب الشنيع
و نعمل تـآلف للشعوب و إنسجام
الشاعر ... د . علي مسلم عجمي
لبنان
تعليقات
إرسال تعليق