باشكر وشي... ابراهيم الافندي
بأشكر وشي
شعر غنائي
كلمات إبراهيم الأفندي
انا باشكر وشي اللي بيضحك
وبينسي الحزن و مش همه
مش قادر يكره أعداؤه
و لوحده شايل أعباؤه
و لا حابب حد يشيل همه
انا باشكر وشي اللي بيضحك
وبينسي الحزن و مش همه
يتبسم للي بيأذونا
علي وشى الاحزان مدفونة
و هموم وكانها مش همه
انا باشكر وشي اللي بيضحك
وبينسي الحزن و مش همه
انا قلبي كمان لسه حنين
و أهو عايش في الظلم البَيِن
و لا يوم اشتكي ولا يوم بَيِن
بيقابل ايام حراقة
و عايشها بطيبة و براءة
و برغم الحزن ما هوش هين
بيحافظ على خفة دمه
انا باشكر وشي اللي بيضحك
وبينسي الحزن و مش همه
مش قادر يكره اعداؤه
و لواحده شايل اعباؤه
و لا حابب حد يشيل همه
انا بأشكر وشي اللي بيضحك رغم أنه في قلب الاحزان
مش قادر يكره ناس خاينة
مالهم في الدنيا اي امان
في ثواني بينساها القسوة
و يشوف الدنيا كمان حلوه
انا قلبي كمان بأتشرف بيه
دا لاني علي الحب مربيه
و الكره ما بنهوب يمه
انا باشكر وشي اللي بيضحك
وبينسي الحزن و مش همه
مش قادر يكره أعداؤه
و لواحده شايل اعباؤه
و لا حابب حد يشيل همه
و بيضحك للي بيأذونا
علي وشى الاحزان مدفونة
و هموم وكانها مش همه
بارك الله فيكم وجزاكم الله خير الجزاء
ردحذف