كلمة وطن... سعيد عزب

-

 11:51 صباحاً

كلمه وطن :

_________

_كلمه وطن .....مش بس حضن يضمنا 


أو حرف عطف ...... بيداعب حنين


ولاضل غيمه .....فى السما ...بترمى السلام 


ولا شمس طالعه... ع الجبين ....ونقول كلام 


مالهوش أصول......مالهوش سند 


الوطن .......أمن وسكن...


الوطن حق الجنين ..اللى ..لسه بكره هيتولد 


ودمه يجرى فى الوتين ...ولسه هيشوف الامد


الوطن ......عمرى اللى راح 


واللى جاى من سنين.... 


الوطن .......للى عايش فى القصور 


واللى ساكن .....عالرصيف 


للى واكل ....شهد عسله 


واللى مش لاقى.... الرغيف


للى ليله زى نهاره..... نور 


واللى ساكن..... فى القبور 


للى عالجوله .....الهوا


واللى مش لاقى.... الدوا 


الوطن ......للى شايف بكره أحلى 


واللى يومه.... كله وحله 


واللى أعمى..... أو أصبح كفيف 


الوطن .......مش بس عزبه للوزير 


هو برضه..... عزوه للفقير 


الوطن ......مش بيع وشروه 


واللا سلعه .....تحتاج فصال 


الوطن .......مش أرض وسما 


واللا رسمه ....ع الخريطه .للحدود


الوطن ......للى عايش 


واللى لسه.... هايتولد 


الوطن..... عضم الجدود


الوطن ......حقى وحقك 


م الحدود.... للحدود ....


حتى من حق..... الضيوف 


الوطن .......حق الحياه و ا لوجود 


مش للى خالف.... رأى غيره 


يلغى حقه فى... الوجود....


ويدفنه من غير غسيل ....أو سجود 


الوطن .......مش للى خان 


واللى هان يوم عليه ....دم أخوه 


الكل واحد..... فى الوطن 


طلقه واحده.... فى قلب الحقود


واللى فاكر نفسه بس .....


هو أولى بالخلود. ....


سعيد عزب

تعليقات

إرسال تعليق

المشاركات الشائعة من هذه المدونة

سافرت نحوك....بقلم عيسى جرابا

-
سَافَرْتُ نَحْوَكَ… كَيْ أَرَاكَ وَأَسْمَعَكْ مُضْنَاكَ… وَدَّعَ قَلْبَهُ… مُذْ وَدَّعَكْ!!! دُنْيَايَ… مَا دُنْيَايَ…؟! أَيُّ حَلاوَةٍ لِكُؤُوْسِهَا… إِنْ لَمْ أَكُنْ فِيْهَا مَعَكْ؟! سَافَرْتُ نَحْوَكَ أَسْتَعِيْدُكَ… لا تَسَلْ لِلحُبِّ بَوْصَلَةٌ… تُحَدِّدُ مَوْقِعَكْ! فِي شُرْفَةِ الأَشْوَاقِ أَجْلِسُ… كُلَّمَا جَنَّ الظَّلامُ… أَبِيْتُ أَرْقُبُ مَطْلَعَكْ! فَانُوْسُ شِعْرِي مَايَزَالُ… مُعَلَّقاً لَوْ رُمْتَهُ يَرْوِي أَسَايَ… لَأقْنَعَكْ! فَمَتَى تَعُوْدُ…؟! نُحُوْلُ جِسْمِي شَاهِدٌ بَعْضُ الشُّهُوْدِ إِذَا تَكَلَّمَ… رَوَّعَكْ!!! طَالَ انْتِظَارُ الصَّبِّ… يَفْتَرِشُ الـمُنَى إِنْ لَمْ تَعُدْ… فَاسْمَحْ لَهُ أَنْ يَتْبَعَكْ! رَتَّبْتُ فِي عَيْنَيَّ مَهْدَكَ… مِثْلَمَا أَثَّثْتُ… مَا بَيْـنَ الجَوَانِحِ مَخْدَعَكْ وَلَكَمْ شَكَوْتُ إِلَيْكَ مِنْكَ… وَأَدْمُعِي تَجْرِي… وَلَكِنْ مَا اسْتَثَارَتْ أَدْمُعَكْ! خَاصَمْتُ كُلَّ النَّاسِ كَيْ تَرْضَى… وَكَمْ بَعْثَرْتُ عُمْرِي فِي هَوَاكَ… لأَجْمَعَكْ!!! وَشَقِيْتُ فِي صَمْتٍ… لَأمْنَحَكَ الهَنَا مِنْ غَي
قراءة المزيد

قل لي يا قلم… كلمات الشاعر نافز ظاهر

-
قل لي ياقلم.   قل. هل لا يتقن الشعر الا من به الم ولا  يكون بيد  الجاهل  القلم  هل يسمعن الذي في قلبه صمم  فكيف يعشق من في روحه سقم  ياناعس الطرف قلبي فيك منشغل  وملني  الشرح  والتعبير  والكلم فكن  بقربي  ان  الروح  هائمه رغم  الهموم  اذا  لاقتك  تبتسم تبكي الجيادُ.. إذا ترجَّل فارسٌها ومن الصهيل..ما توجّعٌ.. وَعَذابُ . أرأيت دَمعَ الخيلِ؟! كم من عبرةٍ في الروحِ.. لم تعلم بها الأهدابُ #نافز_ظاهر
قراءة المزيد

اجازة... علاء، عطية علي

-
 إِجَازَةٌ ـــــــــ               بَحْرُ الرَّجِز (لا تسْتكنْ إلا لذاتِ الواحدِ               واسلكْ مساراتِ النبيِّ الرَّاشدِ) فَالنُّورُ إِرْشَادُ الْبَشُوشِ العَابِدِ                   والغَيُّ مِضْمَارُ السَّبِيْلِ السَّامِدَ لا يَتْرُكَ الشَّيْطَانُ إِلَّا طَائِعًا                       والنار مأوى كل عبد شَارِدِ يَا مَنْ تُرِيدَ الْخُلْدَ فِي جَنَّاتِهِ                    اِتْبَعْ لِهَدْيٍ قَدْ أَتَى مِنْ أَحْمَدِ أَدِّ الصَّلاة الْعُمْرَ فِي أَوْقَاتِهَا                      طِعْ رَبَّنَا لَا تَرْتَعِدْ مِنْ حَاقِدِ لَا تَنْحَنِي كُنْ كَالشِّهَابِ الصَّاعِدِ                     لا تنثني من جَمْعِ نَادٍ حَاسِدِ مَنْ دَانَ لِلدَّيَّانِ مَا هَابَ الْوَرَى                  أذْكَى جِهَادَ النَّفْسِ دِينُ الْعَابِدِ وَاتْرُكْ خِصَالَ الشَّرِّ لا تَرْكَنْ لَهَا                   فَالإثْمُ أَغْوَارُ الْجَهُولِ الفَاسِدِ وَاحْذَرْ رِفَاقَ السَّوْءِ لا تَعْبَأْ بِهمْ                            لا تَسْتْمِعْ إلا لِعَبْدٍ زَاهِدِ أَمْسِكْ بِحَبْلِ الله ثُمَّ اشْدُدْ بِهِ                  
قراءة المزيد