اعزفي يانفس عنها... مستور الحارثي

 اعزفي يانفس عنها 

———————

ليت هم البعد........ عن قلبي يولي

وليت نار الشوق. من صدري طفت

.

وليت دمعةْ حزن... .من عيني تهُلي

ما تهامت من ........عيوني واذرفت

.

يابرا حالي وكبر ....اللي حصل لي

فرحتي في العمر.... زالت واختفت

.

وجد قلبي ذاب.... من هجران خلي

والجروح تجددت......... ثم انزفت

.

ماهقيت ......ان المحبه تضمحلي 

لين عاثت...... .بالمشاعر واتلفت

.

ثم زادت في ....العناد وفي التغلي 

واستبَدّت في جفاها..... واسرفت

.

بعد ماسلمتها........... قلبي وكلي

واسلمت روحي ......لها وتصوّفَت

.

قلت حلي ...في خفوقي واستحلي

واخلفت كل .....الوعود وما وفت

.

ارتضت عن قلب .مغليها التخلي 

واستطابت... هجرها واستظرفت

.

في هواها كنت..... ..طيار ومظلي 

ثم حادت ...عن مساري واخلفت

اعزفي يانفس .......عنها واستقلي

دام لا جيت... .اصطفيها ماصفت

.

واقتنع ياقلب...... ..مابرضا بذلي

الطعون اللي ...مضت منها كفت

.

عزتي تاجي...... وانا ماطرد مولّي 

لو جنون الشوق بالقلب اعصفت

.

من عجز يرقا سماي وما وصل لي

لا يواصل رحلته......... .لا وقّفَتْ

.

همتي قمه لها ........نفسي تَدُلّي

في سما العَلْيا.... سمَتْ وتشرفَت

بقلمي:مستورمحمدالحارثي