تاج النصر من لؤلؤ مرصع...ياسين مصطفى بكري
**(( تاج النَصر من لؤلؤ مرَصَع ))**
أنا جايي من البِعنة تأزرَع
كَرامة لشَعبنا والجُرِح دامي
وشَعبي دائما رأسه بيِرفَع
مَهما تآمروا علَينا الزَعامة
والإطفال عِنا صِعِب تِركَع
صاروا يسكُنوا بفَيِة خيامي
والمُحتَل طامِع صِعِب يِشبَع
وجاي اليوم وتزول الغَمامة
وراية نَصر والبَيرَق منِرفَع
عَسَطح البَيت بِهَدي حَمامي
ومِن الأقصى آذان الصُبح بَسمَع
يُدخُل قَلبي ويشِد بهُيامي
والاجراس فوق المَهد تِقرَع
لحتى تُرقُص بقَلبي عظامي
ونَبينا شعيب نوره ظَل يِسطع
في حطين وبقَلب العَمامة
أنا بحِبك بلادي بُحُب أروَع
على الاعداء عَم بَرمي سهامي
حمِلت مَرتين وجَنبي كان مدفَع
حَمام السِلم طَيَرته أمامي
وللظالم ما عمري يوم أشفع
ولَو بِتقوم قُدامي القِيامة
وتاج النَصر من لؤلؤ مرَصَع
لَكُل بلادنا بِظَل حامي
..بقلمي..ياسين مصطفى بكري....
تعليقات
إرسال تعليق