دنيا... ايمن نصر
( دنيا )
بقلم ( أيمن نصر )
*****************
دنيا وفيها العجب
حاسب مقالبها.
تدي من غير سبب
للي ما يديلها.
واللي حاله عجب
ما يشوف جمايلها.
فيها الأصيل يتشطب
من كل دفاترها.
وفيها الخسيس إتكتب
لكل لمشاهدها.
فيها الرخيص ينتدب
لكراسي مكاتبها.
وفيها الشريف يتشطب
من كل مراتبها.
وفيها قليل الأدب
واخد منافعها.
واللي حوش أدب
ما يطول حواجبها.
فيها الحال يتقلب
بعد ساعات ليلها.
والعدل فيها اتشطب
من كل مناهجها.
والصدق ما بيتحسب
في كل معاجمها.
ومين اللي كان كتب
الكدب في دفاترها.
والوفا بقى يتطلب
ولقوه في مواويلها.
والغدر حسب الطلب
زاد سواد ليلها .
و الطيبه فيها تنضرب
ويهدوا كمان حيلها .
حتى البراءة تتسلب
ويكتفوا إيدها.
عصر البجاحه إتفرض
في كل مناهجها.
في كل ساعة تتسلب
حاجه تجملها.
تحذير أخير إنكتب
لكل اللي طالبينها.
متر كفن في الخشب
هيكون تركتك منها.
مفيش عليكوا عتب
يا زارعين خيرها.
وعليكوا كل العتب.
يا مررين ليلها.
بقلم ( أيمن نصر )
دمتم في رعاية الله.
تعليقات
إرسال تعليق