المبادئ...علي عجمي
المبادئ
------------
المبادي و القِيم نخوة و شهامه
قواعد عَـمَـل بالإصلاح سامي
بأسلوب و نهج عارف حدودو
رسم دربو بتأني و بسلامه
ما يتغير و لا يغير بنودو
بأخلاقو الرجل يعطي علامه
بإصرار وعزم كَـرَّس جهودو
قِيمهـا يثَبِّـت و للقِيم حامي
المبادي ان ضاعت لشخص و عهودو
ما تخونو الرجولة بجرح دامي
و ما يتركها تْلَيِّـن صلب عودو
عليها يحافظ بكل استقامه
المبدأ ما بتتيبَّس ورودو
إذا للورد جهّـزلو دعامه
المبادي مبدأ بكامل وجودو
ما عندو تفرقة و لا إنقسامه
العقل بالعِلم مهما ارتفع جودو
بلا مبادي كوارث مع ندامه
اللي عندو مبدأ فكارو شهودو
ثابت عا نهج رافع الهامه
المبادي اللي أخذها عن جدودو
قِيَـم .أخلاق فيها إحترامـه
بعِزة نفس بيثبت خلودو
بين الناس عمرو بـإستدامه
الوطن بدو رجالاتو أسودو
على وعي و مبادي مش زعامه
يـا كل الناس للأخلاق عودوا
مباديها عليها الخير نـامي
شو نفعو الشخص لو كِبرت زنودو
و خِسِر مبادؤ و خسر الكرامه
الشاعر… د.علي مسلم عجمي
لبنان
تعليقات
إرسال تعليق