هبة النيل..خالد فاروق

 " سمك 🐳 - لبن 🍼- تمر هندى 🍺 "

( هبة النيل )

▪︎عَلّى بكيفك وإبنى السد

▪︎يللى غرورك فاق الحد

▪︎بكره هتندم بعد ما تعرف

▪︎أصل كلامى هزار أو جد

▪︎عَلّى بكيفك وإبنى السد

▪︎هيه العبرة مش بالسد

▪︎وإنك تيجى تبوس الخد

▪︎عيبك فاكر إن الجيره

▪︎تديك حق الإيد تتمد

▪︎عَلّى بكيفك وإبنى السد

▪︎أنا مش ضد النهضة بجد

▪︎ولا كان قصدى أزعل حد

▪︎إنا بتمنى إيدى ف إيدكوا

▪︎يبقى إمبارح لاجل الغد

▪︎عَلّى بكيفك وإبنى السد

▪︎ده النيل فترة بقاله حزين

▪︎عكرت ميته جف الطين

▪︎صوته بيبكى ع الطواحين

▪︎اللى عطشها  تمنها السد

▪︎عَلّى بكيفك وإبنى السد

▪︎ومفيش ترعة ولا قنايا

▪︎بكيوا بحرقه إلا معايا 

▪︎كل هدفهم صدق نوايا

▪︎وحصة ميه تكون ع القد

▪︎عَلّى بكيفك وإبنى السد

▪︎خليك جد، بلاش الصد

▪︎قبل المصرى فينا يحتد

▪︎وصون العشره قبل الود

▪︎إوعى تعَلّى حيطان السد

▪︎ولَّا لا سمح الله هيتهد

▪︎مش هنطبطب تانى الخد

▪︎و نقول سد يا كتكت سد

▪︎ربنا عمره ما يظلم حد

▪︎هوه القادر بسبب دعوة

▪︎يدى الغطا على قد البرد

عجبى!!!

(خالد فاروق)