يعني ايه تكون مبسوط...خالد نادي

 يعني إيه تكون مبسوط  ؛؛؛؛؛

- بتسلم أمرك لله بطيب نفس لأنك عارف إن الأمر بإيده

وده بيقلل خوفك من أي شيء تعرفه أو حتى متعرفوش

وتفضل عايش بالأمل إن اللي جاي أكيد خير ،،

- بتقابل الناس ببسمة زي ما تكون طائر بيطير بيروح كل مكان يزور البيوت يدق أبوابهم يسمعهم صوته كأنه بيكلمهم 

بيقولهم اسمعو صوتي واضحكو من القلب دي الحياة محتاجه مننا صوت من القلب يصبح ويمسي يكون معانا وحوالينا في كل مكان يخلينا نحس بطعم الحياة ،،

- بتتعرض لمشاكل كتير ومواقف صعبه يمكن تخليك تبكي من شدتها لكنك وقتها بتشوف إن صبرك عليها ده من ربنا 

وكمان هيعوضك عن اللحظات المؤلمه اللي مريت بيها 

حتى ولو كل الناس اللي تعرفك وقريبه منك ما يعرفوش 

عنها أي حاجه لكن ربك يعرف وده يكفيك ،،

- أوعى تنسى تكون إنسان بحق يساعد نفسه وكل الناس 

باللي تقدر عليه .. ومهما حصل ما تقولش محدش معايا 

محدش بيساعدني ويقف جانبي  ،،

اقف أنت واعمل اللي عليك منتظر الجزاء من ربك ووقتها هتحس بسعاده ملهاش مثيل دي سببها إنك عملت العمل وعينك على رضا ربك وقربك منه من غير انتظار كلمة شكر من أي إنسان مهما كان ،،

#كلمات_بالعاميه_لكنها_من_القلب 

خالد نادى