قولولها الشمس فى عنيك وإن غابت انت ما تغيب ................................... دى ضحكتها عايشه جوايا وصورتها فى السما معايا بتوه القلوب فيها ما بين السحر والألاعيب .................................. دى بوستها خلت قلبى يترقص وكل ما أنهي واخلص يقولى نعيد ونور الفجر يتغطى بلمسة أيد وخيالها فى نن العين قمر سابح فى أسرارها بشكل عجيب ........................................... وما بين الشفتين قاعدين ولاد وبنات .... يلموا شهدها السايح جوه كاسات ..... مرصوصه على الصفين ادوق وانسى ومش هنسى دى حبها جوايا منقوش ومكتوب بخط الأيد ولو ربطونى بالمقلوب فى أعلى صليب ...................................................... خيول ماشيه تحرصها لها جناحات تحميها من قساوة الريح وإن داست برجليها على ورده تكلمها وتحكلها من قصص الغرام حكايات ولو لمحتنى بعيونها بكون بين السحاب طاير وبرموشها تشدني وتسيب ........................................................... ونجوم السما تشاور على مكانها ما بين الفل والياسمين وتكتبلي اغصانها هنا فى سلام مع الاحلام ملاك نايم وعارفين أن انت ليها أمير وسلطان وأحلى حبيب ... كلماتى وائل صديق