وفر دموعك..صبري رسلان
وفر دموعك (286)
...................
جاي بيشكي
عذابه وناره
وقايد النار بأيديه
يبكي ويحكي
وجعه ألامه
وجرحه وطول لياليه
ولا فكرشي إنه جرحني
وجرحي ومين يداويه
ياما إتحمل قلبي عشانه
وبدعي الله يهديه ..
صبر صبرنا ولا قدرشي
كسره قلبي عليه
جاي وندمه
بدمع عيونه يشكي
في شوك كان فيه
ما أنت أخترت
البعد نسيتنا
ما أنت الشوك وساقيه
مر عذابك بحر شربته
وغرق الشوق ما لاقيه
مات الحب
خلاص ودفنته
خدت عزايا أنا فيه
حتى طريقي
معاك غيرته وهنسى مشينا عليه ..
دبل الورد إتغير لونه
عوده الشوك وماليه
إبعد تاني وما تفكرشي
قلبي هفرط فيه
مهما هتشكي وفر دمعك
مش هتأثر بيه ..
بابي قفلته سدلنا ستايره
هجرته وكان يوم ليك
حتى حروفك قلبي شطبها خساره يفكر فيك
بقلم .. صبري رسلان
تعليقات
إرسال تعليق