انتقام انثى... صبري رسلان
إنتقام أنثى (725)
...............
وبقينا بنبعد من روحنا
ما أحناش عاوزينه
ولايوم بيعدي
وننسى له جرحنا وبأيده
بعد ما حبينا وأخلصنا
باع قلب حبيبه
بنداري دموعنا ونتظاهر
ده لا شاغل باللنا
وبنرسم فرحه على خدودنا
إن عدا قبالنا
مش عاوزه يشمت فى دموعي
ومن غيري إتهنا
ياما عيشت في ناره وعذابه
وبقول لأ جنه
له سنين وأنا صابرة على وعوده
حساه مش ليا
وبيكدب دايما بمشاعره
مش صافي النيه
أبدا لا هحن وأرجع له
كفياني أذيه
لا أنا أول واحده في خداعه
ياما غيري ضحيه
وإن جاني وخبط على بابي
لهكون مش هي
أقوى من الأول
ولا هضعف وتحن عينيه
وهخلص تاري
وهسقي له العلقم بأيديه
من نفس الوجع اللي وجعني
نفس الكميه
مطرود بلا رجعه في حياتي
ولا كان له ديه
بقلم .. صبي رسلان
تعليقات
إرسال تعليق